N.A.9.R

ناصر ناصر ناصر , من اغلى الناس على قلبي .. اكثر انسان احب اشوفه فرحان , اكثر انسان مااطيييق ازعله , رفيقي واخوي و ( ولدي ) .... اقدر اعطيه اسم الامر الناهي , لان بالنسبه لي كلماته اواامر ,, واحاول اراضييه بكل طرريقه .. الكل تعود يشفونا (( مربوطيين )) في بعض , تصادقنا بالصدفه لكن سبحان الله  (( رب صدفة خير من الف ميعاد )) ..

همسه في اذن ناصر :

تأكدت مهما زعلنا استمر لشهور , ومهما صارت بينا خلافات راح تبقى اغلى ربعي ,  وراح تزيد غلاتك وعمرها عمرها ماراح تقل .. ومنزالك القمه على طوووول  ...

 .. وانا على لاازلت على وعدي ..

(( وقت الشدايد خلني سيف يمناك .. وابشر بعزك كل ما صرت سيفك ))

M.7.M.D  A

محمد صاحبي من تقريبا 5 سنين , لكن كأني اعرفه من 20 سنين !! اكثر انسان اقدر القى نفسي فيه , غريب هالتوافق اللي بيني وبينه هو الوحيد اللي احسه يفهمني لو من عيوني , وانا الوحيد بين ربعه

اللي افهمه على الطاير .. مانزعل من بعض واجد , ولا صكت علينا الدنيا , لا شعوري لجأنا لبعض ... وغالي علي بشكل كبيــــر !!!

صحيح اول مره شفتك , كرهتك كرهه العمى , لكن سبحان الله كل مشاعر الكرهه تحولت لحب صاااادق , وصدقني يابوسلمان (( انت غيــر النـاس !! ))

(( حبـك شريته يوم انا في حاجة الحب , واليوم مابيعه ولو يساوي عيوني ))

F.H.D

فهوود امممم صحيح انه اكبر مني بـ 5 سنين , لكن هوو الاقرب لي !! من الناس اللي يهمني رايها , اكثر انسان ينصحني , واحب اسمع بكلامه ,,  احترامي له غير عن الكل .. صح الله اخذ مني اخوي

كبير , لكن عوظني بـ  فهد ,, استانس لما اسولف معاه لانه اكثر انسان يستانس على سوالفي ويضحك عليها ...

همسه في اذن فهد :

راح تبقى اخوي الكبير , وخلنا دايم متفقين , لان شفت شلون  اتفاقنا اثر على الشباب كلهم ؟!!!

M.S.H.3.L

مشعلو , صحيح انه رفيق دربي لكن اكثر انسان اتهاوش وياه في حياتي , تقريبا كل يوميين انتهاوش ومانكلم بعض , ومرات يستمر زعلنا لـ شهور , لكن  غصبا من ورا خشمنا نرجع حق بعض ... دايم يتكل علي بكل امووره ,, مادري ليش يعتمد علي بهالشكل ؟؟؟ .. و مشكلتي على كل عيوبه احبه , وعلى طولة السانه الا اني اسامحه ..  لان الزمن جبرني اكون معاه 24\24 خخخخخخ

همسه  في اذن مشعل :

لاتزعل مني , ادري اني دايم اغلط عليك , وادري اني مستحيل اعتذرلك , لكن اعتقد الندم يبين على ملامحي

.A.L.I

وحشني وحشني وحشني ,, رفيجي من تقريبا 19 سنه خخخخ انا وياه ومشعل , نادر نفترق عن بعض , طول وقتنا كنا ملازمين بعض لكن الزمن غدار , وللاسف في ايام العيد راح الامارات دون رجعه وخلاص استقر هناك ,,  مع اني والله العظيم مشتااااااق لطلعه من طلعاتنا القديمه .. ووالله كل مامر على بيتهم اتضايق , وكل ما اشوف ابوه في المسجد اشتاقله زياده

همسه في اذن علي :

صج انك بعيد عنا , لكن صدقني كل يوم نشتاقلك وكل ما اروح البيت الحديث اذكرك .. ووعد مني راح

نلتقي كلنا ونجتمع مثل قبل !!!

(( الاماكن اللي مريت انت فيها , عايشه بروحي وابيها

بس لكن مالقيـــتـك ))

J.A.S.M

انت احقر انسان صادفته في حياتي , حرام كل دقيقه قضيتها معاك , حرام كل ضحكه ضحكناها مع بعض  , انت انسان واطي وماتستاهل اكون (( انا )) رفيقك , انت تستاهل انسان واطي ونذل مثلك , وصدقني مردك بترجع مثل الحشره , لكن تخسي و تعقب ترجع لنا ونسامحك .. (( مثل كل مره !! )) 

صرخه في اذن الحقير :

مردك بترجع  مثل كل مره , لكن صدقني ماراح اسامحك لان هالمره غييييير , ومردهم ربعك (( الجداد )) راح يتركونك مثلهم مثل اللي اتركوك غيرهم , لكن تعال دووووووورني !!!

(( عندي سؤال وخابر فيه تجريح .. لكن ضروري تسمعه بأنصاتي

كل ما ارفعك للسما , ترجع تطيـح .. قلي شسوي لا صرت واطي ؟؟ ))

..

.